ЭШМӘКӘРЛӘР ӨЧЕН СЕМИНАР-КИҢӘШМӘ УЗДЫ
2025 елның 2 октябрендә Алабуга шәһәренең «Йолдызлык» мәдәни үсеш үзәгендә Алабуга муниципаль районы эшмәкәрләре өчен семинар-киңәшмә узды. Чарада 50дән артык кече һәм урта бизнес вәкилләре, шулай ук профильле оешмалар белгечләре катнашты.
Ташламалы кредитлауның федераль программалары һәм Татарстан Республикасы Гарантия фондыннан ярдәм чаралары турында «ТР Гарантия фонды» Бердәм кредитлау үзәге башлыгы вазыйфаларын башкаручы Альбина Наил кызы Матросова сөйләде. Ул ташламалы финанслау алу шартларын җентекләп аңлатты һәм катнашучыларның сорауларына җавап бирде.
Алабуга муниципаль районы Башкарма комитетының Инвестицион үсеш бүлеге җитәкчесе Екатерина Андреевна Чумакова Алабуга муниципаль районы башлыгы ярдәмендә гамәлгә ашырыла торган кече һәм урта эшмәкәрлек субъектларына грант ярдәме турында мәгълүмат бирде. Гаризаларны сайлап алу үзенчәлекләре һәм кирәкле документларны әзерләү турында сөйләде.
Исегезгә төшерәбез: бизнеска ярдәм чаралары һәм мөмкинлекләр турында барлык актуаль мәгълүматны АМР Башкарма комитетыннан 44897 телефоны буенча алырга мөмкин.