"ҖЫЛЫ ЙОРТ" ХӘЙРИЯ АКЦИЯСЕ

“Ышаныч” социаль ярдәм күрсәтү үзәеге социаль хезмәткәрләре махсус ярдәмгә мохтаҗ булган тәрбияләнүчеләргә ярдәм итү өчен “Җылы йорт” хәйрия акциясе уздырды. Салкыннар башланыр алдыннан йортны җылыту бик мөһим. Социаль хезмәткәрләр өлкәннәргә һәм сәламәтлекләре ягыннан мөмкинлекләре чикләнгән кешеләргә физик көч таләп итә торган көнкүреш эшләрне үтәргә булышты. Бу йортны генераль җыештыру, кер юу һәм үтүкләү, тәрәзәләрне юу һәм җылыту кебек эшләр.