РОССИЯ ВЕНЧУР ФОРУМЫ 2026
2026 елның 8-10 апрелендә Казан янә венчур индустриясе үзәгенә әвереләчәк — шәһәрдә юбилей, XX Россия венчур форумы узачак.
Форум ел саен меңләгән катнашучыны җыя һәм ике дистә ел эчендә компанияләр һәм стартаплар өчен инвестицияләр дөньясына төп керү ноктасына әверелде. Биредә 2 400дән артык компания һәм 700 стартап беренче адымнарын ясады, аларның күбесе беренче инвесторларны нәкъ менә шушы мәйданчыкта тапты.
2026 елда 6 меңнән артык катнашучы, 150дән артык стартап, 250 инвестор һәм 25 фонд катнашыр дип көтелә. Игътибар үзәгендә – Россиянең фәнни-технологик лидерлыгы, технологияләр трансферы, pre-IPO дәрәҗәсендәге проектларны да кертеп, соңгы стадияләрдә стартапларга һәм компанияләргә ярдәм итү.
Юбилей форумын оештыручылар: РФ Мәгариф һәм фән министрлыгы һәм Икътисад министрлыгы, ТР Инвестиция-венчур фонды, РАВИ, Цифрлы үсешкә ярдәм итү ассоциациясе һәм безнең «Идея» технопаркы.
Теркәлү инде хәзер үк мөмкин! russianventureforum.ru сылтамасы буенча теркәлегез һәм илнең төп венчур вакыйгасында катнашыгыз.