АЛАБУГАДА ПРОФИЛАКТИК АКЦИЯ УЗДЫ

Тәүлекнең караңгы вакытында җәяүлеләрнең куркынычсызлыгын арттыру максатыннан шәһәр урамнарында "Алабуга, яктырт!" акциясе узды. Чара яктылыкны кире кайтара торган элементлар (фликерлар) куллануны популярлаштыруга һәм җәяүлеләр катнашында юл-транспорт һәлакәтләре куркынычын киметүгә юнәлдерелгән.

Акциянең максаты – балаларга һәм өлкәннәргә киемдә, рюкзакларда һәм аксессуарларда яктылык кайтаргычлар куллануның мөһимлеген искә төшерү. Фаралар яктысында хәрәкәт иткәндә, машина йөртүче 150 метр ераклыкта яктылык кайтаргычлы җәяүлене күрергә сәләтле, бу аварияне булдырмау өчен вакытны сизелерлек арттыра.

Фото «Алабуга 24» телеканалы бергәлегеннән.