ТАТАРСТАН РОСРЕЕСТРЫНЫҢ КАЙНАР ЛИНИЯСЕ ЙОМГАКЛАРЫ
Татарстан Росреестрында өлкәннәр ункөнлегенә багышланган кайнар линиягә йомгак ясалды. Килгән сорауларга күчемсез милекне дәүләт теркәве бүлеге башлыгы урынбасары Наталья Тимашева җавап бирде. Сезнең игътибарыгызга аларның берсен тәкъдим итәбез.
Оныгыма фатир бүләк итәсем килә. Моны ничек эшләргә, кая мөрәҗәгать итәргә?
- 2025 елның 13 гыйнварыннан физик затлар арасында төзелгән бүләк итү шартнамәләре нотариаль таныклыкка ия булырга тиеш. Бу очракта мондый килешү төзү өчен теләсә кайсы нотариуска мөрәҗәгать итәргә мөмкин. Аны төзегәннән соң нотариус мөстәкыйль рәвештә теркәүче органга – Татарстан Росреестрына - милек хокукының күчүен дәүләт теркәвенә алу өчен тиешле гариза һәм бүләк итү шартнамәсен җибәрә ала. Шулай ук документларны килешүдә катнашучыларның үзләренә дә тәкъдим итәргә мөмкин. Хокукларны дәүләт теркәвенә алган өчен дәүләт пошлинасы 4000 сум тәшкил итәчәк, аны бүләк алучы түләргә тиеш.