АЛАБУГА ПАЦИЕНТЛАРЫНА ИНСУЛЬТНЫ ПРОФИЛАКТИКАЛАУ ТУРЫНДА СӨЙЛӘДЕЛӘР

Алабуга үзәк район хастаханәсенең өлкәннәр поликлиникасында табиб-терапевт Шәмсетдинова Алсу Әгъзам кызы пациентлар өчен "Ишемия инсультын профилактикалау" темасына әңгәмә үткәрде. 

Ишемия инсульты – ул җитди халәт, ул кире кайтарылмаслык нәтиҗәләргә китерергә һәм тормыш сыйфатын сизелерлек начарайтырга мөмкин. Әмма күп очракларны булдырмый калырга була. Бу хакта Алабуга үзәк район хастаханәсе матбугат хезмәте хәбәр итә.

Алсу Әгъзамовна төп куркыныч факторлары һәм баш мие һәм кан тамырларын саклау адымнары турында җентекләп сөйләде:

• Артериаль басымны контрольдә тоту:

Гипертония - төп дошманнарның берсе

• Сәламәт туклану:

Тоз азрак, яшелчә һәм җиләк-җимеш күбрәк.

• Физик активлык: даими йөрү һәм уртача йөкләнеш.

* Начар гадәтләрдән баш тарту: тәмәке тарту һәм алкогольне чиктән тыш күп куллану куркынычны арттыра.

• Шикәр чире, аритмия һәм башка хроник авыруларны вакытында дәвалау даими контроль таләп итә.

Исегездәме: сәламәтлегегез үз кулыгызда!  Даими медицина тикшерүләре һәм табиб киңәшләрен үтәү – инсульт кебек дәһшәтле авырулардан иң яхшы яклау.

Алсу Әгъзам кызына кыйммәтле мәгълүмат өчен рәхмәт белдерәбез һәм барыгызны да үзегез һәм якыннарыгыз турында кайгыртырга чакырабыз.