АЛАБУГАЛЫЛАРНЫ «ЕЛ ИРЕКЛЕСЕ – 2025» КОНКУРСЫНДА КАТНАШЫРГА ЧАКЫРАЛАР

Кадерле дуслар!

Сезне Алабуга муниципаль районының «Ел иреклесе – 2025» конкурсында катнашырга чакырабыз! Бу үзеңнең актив тормыш позициясен күрсәтү, казанышлар белән уртаклашу һәм башкаларны игелекле эшләргә рухландыру өчен менә дигән мөмкинлек.

Конкурс иң яхшы ирекле инициативаларны ачыклауга, волонтерлык проектларына ярдәм итүгә һәм халык арасында игелек һәм үзара ярдәмләшү идеяләрен алга сөрүгә юнәлдерелгән. Без гражданлык җәмгыятен үстерүгә өлеш кертергә әзер булган барлык битараф түгел һәм актив гражданнарны күрүебезгә шатбыз.

Конкурста катнашу өчен түбәндәге почтага гариза җибәрә аласыз: kdm34723@mail.ru яки «Барс» яшьләр үзәгенә Нефтьчеләр проспекты 29а адресы буенча килергә була.