АЛАБУГА ТАБИБЛАРЫ ЯШЬЛӘР АРАСЫНДА АКТИВ ПРОФИЛАКТИКА ЭШЕН АЛЫП БАРА

Алабуга үзәк район хастаханәсе медицина белгечләре үсеп килүче буын арасында сәламәт яшәү рәвешен тәрбияләү буенча үзләренең мөһим миссияләрен дәвам итәләр. Безнең медицина хезмәткәрләре мәгариф учреждениеләрендә актив рәвештә мәгърифәтчелек әңгәмәләре үткәрәләр, начар гадәтләрнең зыяны һәм үз сәламәтлегебез турында кайгыртуның мөһимлеге турында кыйммәтле белемнәре белән уртаклашалар. 

-Фельдшер Алеся Владимировна Сәлимуллина, тәмәке тартуның зыяны һәм аның организмга тискәре йогынтысы турында җентекләп сөйләп, 2 нче мәктәп укучылары өчен танып-белү әңгәмәсе үткәрде. 

- Колосовка медпункты мөдире Луиза Наил кызы Кутлубаева һәм аның ярдәмчесе Диләрә Рамил кызы Зиннәтуллина яшьләр өчен комплекслы профилактик чаралар оештырдылар. Алар ВИЧ-инфекцияне профилактикалау, тәмәке тартуның җитди зыяны һәм сәламәт яшәү рәвеше алып баруның нигезләре кебек мөһим темаларга игътибар иттеләр, яшьләрне зарарлы гадәтләрдән тулысынча баш тартырга өндәделәр. 

-  Шәфкать туташы Лилия Хәмис кызы Галиева электрон сигарет һәм вейпларның зарарлы булуын җентекләп яктыртып, аерым әңгәмә уздырды. 

Мондый инициативалар үз сәламәтлегеңә аңлы мөнәсәбәт тәрбияләүгә һәм яшьтән үк тормышка дөрес караш сайлауга ярдәм итә.