АЛАБУГАДА ЮЛЛАРНЫ КАРДАН ЧИСТАРТУ ДӘВАМ ИТӘ

Бүген, ял көннәрендәге кебек үк, шәһәрне төзекләндерү хезмәткәрләре көчәйтелгән режимда эшлиләр, ике сменада хезмәт итәләр һәм шәһәрне кардан чистарталар.

Алар өчен иң мөһиме – чиста урамнар, тротуарлар, тукталышлар һәм җәяүлеләр кичүләре. Әлегә буран дәвам итү сәбәпле, барлык урамнар да чистартылмаган, әмма эшләр план буенча бара, һәм якын арада техника һәр микрорайонга кадәр барып җитәчәк.

Без төзекләндерү һәм яшелләндерү идарәсе хезмәткәрләренә рәхмәт белдерәбез. Сезнең хезмәтегез чыннан да әһәмиятле, бигрәк тә мондый һава шартларында.