АЛАБУГАДА «АЛАБУГА-SKILLS» ҺӨНӘРИ ОСТАЛЫК КОНКУРСЫ ЯРЫШЛАРЫНЫҢ ӨЧЕНЧЕ ҺӘМ ДҮРТЕНЧЕ КӨНЕ УЗДЫ
Алабугада «Алабуга-skills» һөнәри осталык конкурсының өченче һәм дүртенче көннәре узды. Бу көннәрдә үз осталыкларын токарьлар, фрезерлаучылар, эретеп ябыштыручылар, метрологлар, мотористлар, электриклар, механиклар, авто буяучылар, машина йөртүчеләр һәм технологлар күрсәтте.
«Алабуга» махсус икътисади зонасында лаборантлар, электромонтажчылар, сәнәгать автоматикасы буенча белгечләр һәм шәфкать туташлары көч сынашты. «Прогресс» автомәктәбендә һөнәри мөмкинлекләрен С һәм D категорияле машина йөртүчеләр күрсәтте.
«МТЗ-Татарстан ТПК» ҖЧҖ мәйданчыгында катнашучылар ике компетенциядә күнекмәләр күрсәттеләр: авыл хуҗалыгы техникасына техник хезмәт күрсәтү һәм ремонтлау, авыл хуҗалыгы машиналарын эксплуатацияләү. МТЗ эксперты, баш инженер-технологы Ришат Булатов ярышучыларның трактор һәм башка машиналарның детальләрен белү осталыгына бәя бирде.
Инженер-технолог Ирина Малова конкурсантларның юл хәрәкәте кагыйдәләрен белүләрен һәм машина йөртү күнекмәләрен тикшерде.
«Катнашучылар саны гына түгел, аларның һөнәри дәрәҗәсе дә елдан-ел арта. Бу танышу һәм тәҗрибә уртаклашу өчен яңа мөмкинлекләр тудыра», - диләр экспертлар. Иртәгә «Алабуга-skills» тармак республика һөнәри осталык конкурсының йомгаклау көне. Конкурс кысаларында җиңүчеләр өчен түбәндәге акчалата бүләкләүләр каралган:
- 1 урын: 50 000 сум
- 2 урын: 30 000 сум
- 3 урын: 20 000 сум
Моннан тыш, җиңүчеләр дипломнар алачак. Конкурста катнашучыларның барысына да катнашучылар сертификатлары биреләчәк. Җиңүчеләрне бүләкләү тантанасы 11 февральгә планлаштырылган
Фото- Таһир Маәмүтов