ТАТАРСТАНДА МАХ МЕССЕНДЖЕРЫНДА БИЗНЕС ӨЧЕН САЛЫМ ҮЗГӘРЕШЛӘРЕ ҺӘМ ТИКШЕРҮЛӘР МӘСЬӘЛӘЛӘРЕ БУЕНЧА AI-ЯРДӘМЧЕ ЭШЛИ БАШЛАДЫ
Татарстан бизнесы хәзер салым законнарындагы үзгәрешләр турында оператив мәгълүмат ала һәм ясалма интеллект ярдәмендә тикшерүләргә әзерләнә ала. Telegram һәм МАХ мессенджерларында эшләүче «Эшмәкәр ярдәмчесе» чат-боты эшли башлады.
«Тикшерелгән бизнес» интернет-ресурсында төзелгән сервис (prov-biz.ru), ТР Икътисад министрлыгы инициативасы белән ТР Прокуратурасы белән берлектә эшләтеп җибәрелгән. Бу эшмәкәрләргә контроль һәм күзәтчелек эшчәнлеге таләпләрен үтәргә ярдәм итә торган бушлай платформа.
Чат-ботның «еш бирелә торган сораулар» бүлеге даими рәвештә бизнес ихтыяҗларына яраклаша. Әйтик, 2025 елның декабреннән чат-ботта «салым реформасы» дигән яңа бүлек барлыкка килде. Эчке статистика мәгълүматлары буенча, ботка бирелә торган барлык сорауларның 70% тан артыгы нәкъ менә салым өлкәсендәге үзгәрешләргә кагыла. 2025 елда сервисны эшләтеп җибәргәннән бирле барлыгы 7 меңнән артык сорау эшкәртелгән, ә кулланучыларның уңай бәяләмәләре дәрәҗәсе 95% тан артып киткән.