АЛАБУГА ВОЛОНТЕРЛАРЫ НЕФТЬЧЕЛӘР СКВЕРЫНДА КАР ЧИСТАРТУГА ЧЫКТЫЛАР

Көчле кар яву һәм катлаулы һава шартларында волонтерлык эшчәнлеге аеруча мөһим. Шәһәр территорияләрен оператив чистарту таләп ителгәндә, коммуналь хезмәтләргә ярдәмгә битараф булмаган кешеләр килә.

«Алабуга муниципаль районын төзекләндерү һәм яшелләндерү идарәсе» ҖЧҖ хезмәткәрләре көн саен шәһәрнең юлларын һәм тротуарларын чистарту өчен бар көчләрен куялар. Әмма көчле явым-төшем шартларында бер үк вакытта барлык участокларга да игътибар итү мөмкин түгел.

Узган ялларда волонтерлар, төп эшләрен ташлап, Нефтьчеләр скверы территориясен чистартуга чыктылар. Бу күп кенә алабугалыларның яраткан ял итү урыны.

Коммунальчыларга һәм битараф булмаган волонтерларыбызга рәхмәт белдерәбез, алар шәһәрне чиста һәм куркынычсыз итү өчен бөтен көчләрен куялар.