АЛАБУГАДА "ХӘРБИ ҺӨНӘРЛӘР" БАЛАЛАР РӘСЕМНӘРЕ КОНКУРСЫНДА ҖИҢҮЧЕЛӘРНЕ БҮЛӘКЛӘДЕЛӘР

Бүген Алабуга районы буенча "Россия эше" кадрлар үзәгендә "Хәрби һөнәрләр" балалар рәсемнәре конкурсында җиңүчеләрне бүләкләделәр.

"Россия эше" кадрлар үзәгендә хәрби һөнәрләр темасына багышланган балалар рәсемнәре конкурсының финалы узды. Алабуга районының төрле почмакларыннан килгән балалар үзләренең иҗади сәләтләрен күрсәттеләр, матур һәм истә калырлык эшләр иҗат иттеләр.

Чарада җиңүчеләргә кадрлар үзәгеннән дипломнар һәм истәлекле бүләкләр тапшырылды. Бүләкләүдә үзәкнең бөтен коллективы катнашты, алар әлеге темага актив катнашулары һәм иҗади якын килүләре өчен яшь рәссамнарга ихлас рәхмәтләрен белдерделәр.