АЛАБУГА УКУЧЫЛАРЫ ЭКОЛОГИК ЧАРАДА КАТНАШТЫЛАР

«Татарстанда кыш» проекты республика халкын төрле һәм кызыклы вакыйгалар белән сөендерүен дәвам итә. Бу юлы безнең камералар Георгий паркында узган «Безнең төбәк кошлары» экология чарасын төшерделәр.

Бу көнне Балалар экология-биология үзәгендә тәрбияләнүчеләр һәм педагоглар безнең төбәктә яшәүче канатлылар өчен уңайлы шартлар тудыруда актив катнаштылар. Балалар җимлекләргә тәм-томнар тутырып кына калмадылар, яңа «кош ашханәләре» дә элеп куйдылар, шулай итеп кошлар өчен уңайлы почмаклар булдырдылар. Бу акцияләр мөһим бурыч булып тора — балаларны табигать турында кайгыртырга һәм яшьтән үк табигатьне саклап калу өчен җаваплылыкка өйрәтә.