"БЕРЕНЧЕЛӘР ХӘРӘКӘТЕ "БЕРГӘЛЕГЕНЕҢ АЛАБУГА АКТИВИСТЛАРЫ КАДРЛАР ҮЗӘГЕНДӘ БУЛДЫ
Алабуга районы буенча «Россия эше» кадрлар үзәге даими рәвештә мәктәп укучылары, студентлар һәм яшь белгечләр өчен һөнәри юнәлеш бирү чаралары үткәрә. Февраль ахырында «Беренчеләр хәрәкәте» кадрлар үзәгендә булды.
Очрашу кысаларында Алабуга районында яшьләр белән һөнәри юнәлеш алып баруга багышланган уртак эш сессиясе узды. Катнашучылар мәктәп укучыларын кирәкле белгечлекләр белән таныштыруга һәм җирле предприятиеләрдә стажировкалар оештыруга юнәлдерелгән «Профессиядә беренче» һәм «Беренче эш» уртак проектларын гамәлгә ашыру планнары турында фикер алыштылар.
Кадрлар үзәге белгечләре районның хезмәт базары турында актуаль мәгълүмат җиткерделәр, ихтыяҗ зур булган һөнәрләр исемлеген һәм яшь белгечләрне эшкә урнаштыру шартлары турында сөйләделәр. «Беренчеләр хәрәкәте» активистлары үзләренең һөнәри юнәлеш бирү инициативаларын тәкъдир иттеләр.
Әлеге чаралар һөнәр сайлауда ярдәм итүгә, хезмәт базары белән танышуга, күнекмәләрне үстерүгә һәм карьера маршрутын төзүгә юнәлдерелгән.