АЛАБУГА ИНСТИТУТЫ СТУДЕНТКАСЫ АДЕЛИЯ ФАССАЕВА "ЕЛ ТӘРБИЯЧЕСЕ-2026" КОНКУРСЫНДА ҖИҢҮЧЕ
Татарстанда «Россиянең ел тәрбиячесе» конкурсы мәктәпкәчә белем бирүнең сыйфатын күтәрү системасында төп корал булып тора һәм тәрбиячеләрнең иҗади активлыгын арттыру чарасы буларак ТР Мәгариф һәм фән министрлыгы тарафыннан хуплана.
Быел Яр Чаллы шәһәрендә узган «Россиянең ел тәрбиячесе» республика конкурсының муниципаль этабында җиңүчеләр арасында Алабуга институты студенты Аделия Фассаева да бар. Быел конкурста Яр Чаллы шәһәренең 41 мәктәпкәчә белем бирү педагогы катнашты, аларның 9ы муниципаль этап финалына үтте. Бу хакта вузның матбугат хезмәте хәбәр итә.
Конкурста катнашучылар үзләренең тәҗрибәләрен күрсәттеләр, балалар белән ачык дәресләр үткәрделәр, ата-аналар өчен чара оештырдылар һәм, ниһаять, хезмәттәшләре өчен мастер-класс үткәрделәр.
Аделиянең уңышы аның талантын, үҗәтлеген һәм чын тәрбиячене аерып торучы үзенчәлекле рухи юмартлыгын ачык күрсәтә. Без коллегабызны чын күңелдән әлеге казанышы белән котлыйбыз һәм аның алдагы җиңүләренә ышанабыз.