АЛАБУГА ИНСТИТУТЫНДА БЕРЕНЧЕ ЯЗГЫ ӨМӘ

Казан федераль университетының Алабуга институтында беренче язгы өмә узды. Чарада югары уку йорты укытучылары, хезмәткәрләре һәм студентлары актив катнашты. Өмәдә катнашучылар көрәкләр белән коралланып, бердәм рәвештә эшкә тотындылар.  Уртак көч белән алар институт территориясен тәртипкә китерделәр һәм юлларны чистарттылар.

Өмәне оештыручылар билгеләп үткәнчә, мондый чаралар территорияне төзекләндерүгә ярдәм итеп кенә калмый, ә коллективта дустанә атмосфераны да ныгыта.

"Вуз территориясендә чисталык һәм тәртип урнаштыруга үз өлешләрен кертергә вакыт һәм көч тапкан һәркемгә рәхмәт белдерәбез", - ди оештыручылар.