ТАТАРСТАН РОСРЕЕСТРЫ БАКЧА ШИРКӘТЛӘРЕ ЙОРТЛАРЫН ГАЗЛАШТЫРУ ШАРТЛАРЫН АҢЛАТТЫ

Татарстанда газлаштыру буенча дәүләт программасын гамәлгә ашыру дәвам итә, аның кысаларында торак йортлар урнашкан бакча ширкәте җирләре чикләренә кадәр газны бушлай үткәрәләр. 

Татарстан Росреестрында аңлатуларынча, дәүләт программасына тоташу шартлары булып тора:

- бакча ширкәте торак пункт чикләрендә урнашырга тиеш

- торак пункт газлаштырылырга тиеш яисә газлаштыру программасы агымдагы елда бакча ширкәтләре чикләренә кадәр газ челтәрләре төзүне күздә тота. Графиклар субъектларның хакимият органнары тарафыннан раслана.

- торак йортка хокук теркәлгән булырга тиеш.

Әгәр милек хокукы теркәлмәгән булса, Росреестрга мөрәҗәгать итү өчен түбәндәге документларны әзерләргә кирәк;

 - дәүләт кадастр исәбенә алу һәм хокукларны дәүләт теркәвенә алу турында гариза

-техник план

- җир кишәрлегенә хокук билгеләүче документ.

Әгәр участокта «торак булмаган» билгеләнештәге бакча йорты урнашкан булса, аны «торак»ка күчерергә кирәк. Бу объектның даими яшәү һәм теркәлүне рәсмиләштерүгә яраклы булуын раслау өчен кирәк. Йорт барлык төзелеш нормаларына туры килергә һәм ел әйләнәсендә яшәү өчен яраклы булырга тиеш. Йортның барлык кирәкле таләпләргә туры килүе турында соңгы карар бакча ширкәтчелеге урнашкан урын буенча Башкарма комитет кабул итә. Әгәр Башкарма комитет уңай карар кабул итсә, ул документларны мөстәкыйль рәвештә Росреестрга тапшыра.