АЛАБУГАДА ТӨЗЕКЛӘНДЕРҮ ҺӘМ ЯШЕЛЛӘНДЕРҮ ИДАРӘСЕ ХЕЗМӘТКӘРЛӘРЕ ШӘҺӘРНЕ ТӘРТИПКӘ КИТЕРӘ
Көннәр җылына башлану белән Төзекләндерү һәм яшелләндерү идарәсе белгечләре шәһәрне кышкы чордан соң тәртипкә китерү буенча комплекслы эшләргә керештеләр. Беренче чираттагы торган бурычлар арасында – шәһәр инфраструктурасын язгы ташуларга әзерләү.
Хәзер нинди эшләр алып барыла:
- тротуарларны, җәяүлеләр зоналарын һәм юл кырыйларын калган кар һәм боз калдыкларыннан тазарту;
- яңгыр канализациясен кардан, боздан һәм чүп-чардан чистарту – бу кар тиз эрегән чорда су басуны булдырмау өчен кирәк;
- үзәк урамнардан һәм җәмәгать киңлекләреннән кар өемнәрен чыгару;
- кече архитектура формаларын, эскәмияләрне карау һәм кирәк булганда аларны өлешчә ремонтлау.
Социаль объектлар – мәктәпләр, балалар бакчалары, поликлиникалар тирәсендәге җирләрне, шулай ук җәяүлеләр маршрутларына һәм җәмәгать транспорты тукталышларына аерым игътибар бирелә. Биредә шәһәр халкының иминлеген һәм уңайлылыгын тәэмин итү өчен эшләр көчәйтелгән режимда алып барыла.