АЛАБУГАДА «АЛАРНЫҢ ИСЕМНӘРЕ РОССИЯ ДАНЫН ТӘШКИЛ ИТТЕ» XV РЕСПУБЛИКА ФӘННИ-ГАМӘЛИ КОНФЕРЕНЦИЯСЕ ҖИҢҮЧЕЛӘРЕН БҮЛӘКЛӘДЕЛӘР
Алабуга дәүләт музей-тыюлыгының Интеллект-үзәгендә Россия халыклары бердәмлеге елына багышланган мәктәп укучылары һәм студентлар өчен «Аларның исемнәре Россия данын тәшкил итте» XV Республика фәнни-гамәли конференциясе җиңүчеләрен бүләкләү тантанасы узды.
Конференциядә Татарстан Республикасының 8 торак пунктыннан (Алабуга, Казан, Яр Чаллы, Түбән Кама, Бөгелмә, Чистай, Нурлат, Алабуга районы) 47 мәктәп укучысы һәм студент катнашты.
Нәтиҗәләр буенча тикшеренү эшләре арасында 17 җиңүче һәм видеороликлар конкурсының 11 лауреаты билгеләнде.
Чарада катнашучыларга һәм кунакларга сәламләү сүзе һәм теләкләр белән Алабуга музей-тыюлыгы генераль директорының фәннәр буенча урынбасары Александр Деготьков, Татарстан Республикасы «Алабуга муниципаль районы мәгариф идарәсе» МКУ башлыгы Алена Балобанова һәм КФУның Алабуга институты директоры Марат Умаров мөрәҗәгать иттеләр.
Чарада катнашучылар өчен «Эврика» балалар музей-мәгариф үзәге буйлап экскурсия оештырдылар һәм «Трактир» музей-театрында тәмле чәй белән сыйладылар.
Балаларны лаеклы бүләкләре белән котлыйбыз!