Алабуга районында йорт яны территорияләрен төзекләндерү буенча планлы эшләр башлана. Төп бурыч – халыкның иминлеген һәм уңайлылыгын тәэмин итү, шулай ук мәйданчыкларны җәйге сезонга әзерләү.

Исегезгә төшерәбез, "Безнең ишегалды" программасына Алабуга районы территориясендә 214 ишегалды территориясе кертелгән.   2020 елдан 2025 елга кадәр 201 ишегалдында эшләр тәмамланган, бу программа буенча барлык ишегалларының 93,9% тын тәшкил итә.

Алабугада һәм якын-тирәдәге авылларда масштаблы юл эшләре комплексы башлана. Ремонт шәһәр урамнарында да, авыл җирлекләрендәге проблемалы участокларга да кагылачак. Төзекләндерү кысаларында 3 435 кв. м озынлыктагы участокларга яңа асфальт җәеләчәк.

18 һәм 19 апрельдә Алабуганың Боз сараенда күңелле спорт вакыйгасы – хоккей буенча Алабуга районы башлыгы кубогы уза. Тамашачыларны биш шәһәрдән килгән ир-атлар командалары арасында кызыклы матчлар һәм киеренке көрәш көтә.