Бүгенге көндә «Август-Алабуга» заводында продукцияне иң күпләп эшләп чыгару һәм озату чоры бара. Елның беренче өч аенда предприятие 8,8 млн литрдан артык саклау препаратлары җитештергән. Иң күп продукция март аенда җитештерелгән – 4,2 млн литр. Гыйнвардан апрельнең беренче яртысына кадәр завод үсемлекләрне яклау өчен төрле исемдәге 13,8 млн литр продукция озаткан. Сату күләмнәренең артуы аграрийларның язгы кыр эшләрен башлауга бәйле.