БЕХТЕРЕВО АВЫЛЫНДА МӘКТӘПКӘ КАПИТАЛЬ РЕМОНТ 45 %КА БАШКАРЫЛГАН
Бехтерево авылы мәктәбендә актив рәвештә капиталь ремонт дәвам итә. Белгечләр биналарның эчке бизәлешен ясый һәм инженерлык коммуникацияләрен алыштыра. Хәзерге вакытта эшләр 45% ка үтәлгән. Проект акрынлап финиш стадиясенә якынлаша. Бу хакта район башлыгы Рөстәм Нуриевның Тг-каналында хәбәр ителә.
Проект Татарстан Республикасы бюджетыннан финанслана. Бүлеп бирелгән акчаларның гомуми суммасы 66,2 млн сум тәшкил итә. Бу акчалар мәктәпне комплекслы яңартуга: конструкцияләрне ремонтлаудан алып заманча инженер системалары белән җиһазландыруга кадәр юнәлдерелгән.
Капиталь ремонтның максаты – мәктәптә уку һәм эшләү өчен уңайлы куркынычсыз шартлар тудыру, уку сыйныфларын һәм ярдәмче бүлмәләрне яңарту, бинаның заманча янгын һәм санитария-эпидемиология куркынычсызлыгы нормаларына туры килүен тәэмин итү, цифрлы белем бирү технологияләрен куллану өчен инфраструктураны кертү.
Авыл халкы мәктәптәге ремонтның тәмамлануын түземсезлек белән көтә.
Фото-ТГ район башлыгы