"Чиста су" республика атналыгы кысаларында Алабуга политехника көллиятенең "Яшь гвардия" җирле бүлекчәсе активистлары Шумиха елгасы ярында киң күләмле өмә үткәрделәр. Катнашучылар эшкә зур җаваплылык белән килделәр. Активистлар ярларны һәм хәтта елга төбен дә җыелган калдыклардан яхшылап чистарттылар.

Хөрмәтле эшмәкәрләр һәм партнерлар! Сезне 29 майда 13:00 сәгатьтә һөнәри бәйрәм шатлыгын уртаклашырга һәм районыбыз икътисады үсешенә керткән өлешегезне билгеләп үтәргә чакырабыз. 

Хөрмәтле алабугалылар! Корбан бәйрәме уңаеннан сезне һәм якыннарыгызны «Чебурашка» паркына гаилә бәйрәменә чакырабыз! Бәйрәм 27 майда 13:00 сәгатьтә башлана. Сезне төрле яшьтәге кунаклар өчен кызыклы һәм күңелле программа көтә.

Узган ялларда «Дөньяга мәҗлес» гастрофестивале узды.  Фестивальдә хинкали ябыштыру буенча мастер‑класс оештырылды. Аны Самарадан «Грузинские истории» рестораннар челтәренең бренд - шефы Константин Стекольщиков үткәрде. Мастер‑класста катнашучылар бу легендар ризыкны ясарга өйрәнеп кенә калмадылар, ә осталардан аны әзерләү серләрен дә белделәр.