АЛАБУГА ПОЛИЦЕЙСКИЙЛАРЫ АТУ БУЕНЧА ЧЕМПИОН БУЛДЫ

Россия Эчке эшләр министрлыгының Алабуга районы буенча Эчке эшләр бүлеге командасы кулдан ату коралыннан ату буенча Татарстан Республикасы Эчке эшләр министрлыгы Чемпионатында беренче урынны яулады. Ярышларда республиканың эчке эшләр бүлегенең 43 территориаль органы җыелма командалары катнашты һәм Алабуга хокук сакчылары барлык көндәшләрен узып китте.

Катнашучыларга Макаров пистолетыннан һәм Калашников автоматыннан ату осталыгын күрсәтергә кирәк иде. Төгәллек, чыдамлык һәм хәрәкәтләрнең көйлелеге Алабуга командасына пьедесталның иң югары баскычына күтәрелергә ярдәм итте.

Эчке эшләр министрлыгы хезмәткәре Ильяс Төхвәтуллин аерым танылуга лаек булды. Шәхси зачетта 86 иң көчле атучы арасында ул А-8 күнегүендә икенче урынны алды. Аның чыгышы югары төгәллек һәм нәтиҗәләрнең тотрыклылыгы белән билгеләп үтелде. Ильяс Төхвәтуллин Алабуга командасының гомуми абруена лаеклы өлеш кертте.

 Алабуга полицейскийларының уңышы– даими күнегүләр һәм ут әзерлеге, шулай ук хезмәткәрләрнең югары дәрәҗәдәге һөнәри осталыгы нәтиҗәсе. Россия Эчке эшләр министрлыгының Алабуга районы буенча Эчке эшләр бүлеге җитәкчелеге коллегаларын лаеклы җиңүләре белән котлады һәм мондый казанышлар хезмәт абруен ныгыта һәм яңа казанышларга этәрә, дип билгеләп үтте.

Эчке эшләр министрлыгы командасын һәм Ильяс Төхвәтуллинны бик яхшы чыгышлары белән котлыйбыз, киләчәктә дә хезмәттә һәм спортта уңышлар телибез!