"ЫШАНЫЧ " ХЕЗМӘТКӘРЛӘРЕ ӨЛКӘННӘР ӨЧЕН АКЦИЯ ОЕШТЫРДЫ

“Ышаныч” үзәге хезмәткәрләре өлкәннәргә күңел ачу шатлыгын бүләк иттеләр. Бөтенроссия акциясе кысаларында өлкән буын кешеләре искиткеч көн үткәрделәр.

Кояшлы көн – саф һавага чыгу һәм ашыкмыйча йөреп кайту өчен менә дигән сәбәп булды. Үзәк волонтерлары өлкәннәрне озатып йөрделәр, алар белән аралаштылар, яхшы кәеф белән уртаклаштылар. Акциядә катнашучылар уңайлы шәһәр аллеялары һәм парк юллары буйлап йөреп чыктылар, төрле темаларга җылы әңгәмәләр алып бардылар.

"Мондый очрашулар гаять мөһим, — дип билгелиләр “Ышаныч” үзәгендә. — Безнең тәрбияләнүчеләр өчен бу йөрү генә түгел, ә аларга карата кайгыртучанлык һәм игътибар хисен тою, яңа тәэсирләр алу һәм өйдән читтә аралашу мөмкинлеге. Ә безнең хезмәткәрләр өчен – аралашуның бәяләп бетергесез тәҗрибәсе, ул озак вакытка энергия һәм җылылык бирә”.