АЛАБУГА РАЙОНЫНДА ЯКТЫРТУ БАГАНАЛАРЫН АЛЫШТЫРДЫЛАР

Көз – якты көн сизелерлек кыскара торган вакыт, нәкъ менә шуңа күрә урамнарны яктырту бу чорда бигрәк тә актуаль.

«СтройРемонт» ҖЧҖ белгечләре районның барлык территориясендә урам фонарьларының торышын даими тикшереп торалар һәм барлык төзексезлекләрне, бигрәк тә паркларда, скверларда һәм башка җәмәгать урыннарында төзәтәләр. Моннан тыш, шәһәр инфраструктурасын төзекләндерү программасы кысаларында Алабугада урамнарны яктыртуны яңарту буенча зур эш башкарылды.

Яңа яктырту баганалары кайда урнаштырылган:

- Әйләнгеч шоссе: боҗрадан алып Нечаев урамына кадәр 17 терәк.

- Ат спорты мәктәбеннән Танай шоссесына кадәр участок: 10 терәк.

- Мәрҗани урамы: 7 терәк.

- Нефтьчеләр проспекты: 168 терәк.

- Тынычлык проспектыннан Яшьләр урамына кадәрге участокта: 23 терәк.

- «Адымнар» полилингваль комплексы территориясе: 17 терәк.

Барлыгы 3 800 чакрым яңа кабель салынган, шулай ук 600 дән артык яктырткыч алыштырылган. Башкарылган эшләр шәһәр урамнарын һәм магистральләрен тәүлекнең караңгы вакытында куркынычсызрак һәм уңайлырак итәргә мөмкинлек бирәчәк.

Әгәр нинди дә булса участокларда яктырткычлар эшләмәсә, җитешсезлекләр турында хәбәр итегез – 89172202281 телефоны буенча гариза калдырыгыз.