АЛАБУГАДА ӨЛКӘННӘР КӨНЕНӘ БАГЫШЛАНГАН КОНЦЕРТ УЗДЫ

Бәйрәм кунакларын Алабуга районы башлыгы Рөстәм Нуриев котлады.

"Иң актив һәм тормыш сөючән алабугалыларны бәйрәм белән котлыйм. Безгә җиткергән бәһасез тәҗрибәгез һәм игелеклегегез өчен рәхмәт. Исәнлек-саулык телим, һәрчак йөрәгегез яшь булсын!"– диде Рөстәм Нуриев.

Өлкәннәр ункөнлеге – һәр алабугалы өчен өлкән буын вәкилләренә карата тагын да күбрәк игътибар һәм җылылык күрсәтү мөмкинлеге ул. 1 октябрьдән 10 октябрьгә кадәр шәһәрдә районның иҗат коллективлары тарафыннан Өлкәннәр көненә әзерләнгән бәйрәм чаралары узачак.