ӨЛКӘННӘР УНКӨНЛЕГЕ КЫСАЛАРЫНДА ПЕНСИОНЕРЛАР НОКТАЛЫ РӘСЕМ СӘНГАТЕ БЕЛӘН ШӨГЫЛЬЛӘНДЕЛӘР
Игелек һәм хөрмәт көненә багышланган декада кысаларында нокталы рәсем сәнгате техникасында «Көзге кәеф» дигән кызыклы мастер-класс узды. Алабуга өлкәннәр һәм инвалидлар интернат-йортында аны 2нче балалар сәнгать мәктәбе укытучысы Васильева Н. В. үткәрде.
Нокталы рәсем сәнгате («мамык таякчыклар белән рәсем ясау» техникасы) өлкән яшьтәге кешеләр өчен арт-терапиядә үз хисләреңне чагылдыруга һәм психологик проблемаларны хәл итүгә юнәлдерелгән рәсемле иҗат методы буларак кулланылырга мөмкин. Арт-терапия – иҗади чагылыш аша кешенең психик ресурсларын активлаштыру белән бәйле ысул.
Өлкәннәр рәхәтләнеп иҗат иттеләр, уникаль техника аша үз хисләрен урынлы атмосферада чагылдыра алдылар. Бу тәҗрибә аларның сәнгать күнекмәләрен баетып кына калмыйча, чын шатлык һәм илһам чыганагына да әверелде, күңел күтәренкелеге һәм уңай тәэсирләр бүләк итте.