"РОССИЯНЕҢ МУЗЕЙ МАРШРУТЛАРЫ" ВЛАДИВОСТОКТА
28 сентябрьдән 1 октябрьгә кадәр Владивостокта «Россиянең музей маршрутлары» федераль проекты сессиясе уза, анда Алабуга дәүләт музей-тыюлыгы генераль директорының фәнни эшләр буенча урынбасары Александр Деготьков «Балалар темасы түгел: технологияләр буыны музей хәрәкәте траекториясен ничек иярләде? Алабуга Эврикасы» темасына доклад белән катнаша. Бу хакта Алабуга музей-тыюлыгы хәбәр итә.
Чара Россия Федерациясе Мәдәният министрлыгы тарафыннан Приморье өлкәсе хөкүмәте белән берлектә оештырылды. Сессиянең темасы – « Музей. Тарихи хәтер һәм киләчәк образы». Сессиядә катнашучыларны Музейлар һәм цирк сәнгатенә ярдәм департаменты директоры Елена Харламова сәламләде.
Россиянең иң эре музейлары җитәкчеләре һәм тармакның әйдәп баручы экспертлары катнаша торган эшлекле программа «Киләчәкне төзүче чыганак буларак тарихи хәтер: чакырулар һәм мөмкинлекләр» пленар утырышы белән башланып китте. Шул ук көнне катнашучылар мәдәни үсеш, интерактив проектлар булдыру һәм аудиторияне «Киләчәк белән эшләү буенча грамоталылык һәм музейларда катнашу тәҗрибәсе» эксперт сессиясенә җәлеп итү мәсьәләләре буенча фикер алыштылар.