V АЛАБУГА КАБАТЛАНМАС РӘСЕМ БИЕННАЛЕСЫ БӨТЕНРОССИЯ КОНКУРСЫНДА КАТНАШУЧЫЛАРНЫҢ ЭШЛӘРЕ ЙОМГАКЛАУ КҮРГӘЗМӘСЕ АЧЫЛДЫ

9 октябрьдә Заманча этноисәнгать музеенда «V Алабуга уникаль рәсем биенналесы» Бөтенроссия конкурсында катнашучыларның эшләренең йомгаклау күргәзмәсе эшли башлады. Аның максаты – традицион классик рәсемне популярлаштыру һәм алга таба үстерү, Россиядә заманча рәсем дәрәҗәсен күтәрү. Бу хакта Алабуга музей-тыюлыгы матбугат хезмәте хәбәр итә.

Конкурс ике елга бер тапкыр читтән торып үткәрелә. Июль аенда беренче этап тәмамланды, анда Россия, Беларусь, Германия, Македония һәм Черногориядән 107 гариза бирүченең электрон рәвештә җибәрелгән 500дән артык график эш сурәтләре каралды. «V Алабуга уникаль рәсем биенналесы» Бөтенроссия конкурсының икенче этабында катнашу өчен Россия Федерациясенең 18 субъектының 30 шәһәреннән 45 авторның соңгы ике елда төрле график техникада иҗат ителгән әсәрләре хупланды. Әлеге күргәзмәдә тәкъдим ителгән 48 эш Россия Федерациясе музей фондына кертеләчәк.