РАЙОНДА ВОЛОНТЕРЛЫКНЫ ҮСТЕРҮ ТУРЫНДА ОЧРАШУ УЗДЫ
Алабуганың «Барс» яшьләр үзәгендә районда волонтерлыкны үстерүгә багышланган стратегик утырышы узды. Катнашучылар узган ел эшчәнлегенә йомгак ясадылар һәм киләчәккә планнар билгеләделәр.
«Күңелләре белән яшьләр» хәрәкәте вәкиле Илиза Рәшидовна Чернышева җыелганнарга сәламләү сүзе белән мөрәҗәгать итте. Ул көмеш волонтерларның уңышлы тәҗрибәсе турында сөйләде һәм өлкән буынны иреклеләр проектларына җәлеп итүнең мөһимлеген ассызыклады.
Очрашуның төп темасы буенча иреклеләр үсеше кураторы Роман Владимирович Епанешников чыгышы булды. Ул «Добро.рф» Бөтенроссия платформасында төрле өлкәләрне колачлаган эшнең өстенлекле юнәлешләрен тәкъдим итте.
Роман Владимирович шулай ук оештыру мәсьәләләрен: волонтерларны теркәү һәм аларның кенәгәләрен алып бару эшчәнлеген яктыртты.
Җыелышта «Ирекле– 2025» шәһәр конкурсына старт бирделәр. Катнашуга барлык теләүче волонтерлар чакырыла. Гаризалар инде кабул ителә. Без әлеге конкурс актив гражданнарның казанышларын тану һәм аларның эшен күрсәтү өчен менә дигән мәйданчык булыр дип ышанабыз.