2 НЧЕ АЛАБУГА БАЛАЛАР СӘНГАТЬ МӘКТӘБЕНДӘ БАТЫРЛЫК ДӘРЕСЕ

Алабуга шәһәренең 2нче балалар сәнгать мәктәбендә #КиберЛюди проекты һәм «Герой портреты» Бөтенроссия акциясе кысаларында батырлык дәресе үткәрелде. Чараның мактаулы кунагы хәрби хәрәкәтләр ветераны, махсус хәрби операциядә катнашучы Анатолий Дмитриевич Томилин булды.

Анатолий Дмитриевич — 76 нчы десант-штурм дивизиясе гвардиячесе, Луганск халык республикасында һәм Запорожье юнәлешендә хәрби бурычлар үтәгән. Яше буенча демобилизацияләнүгә карамастан, ветеран бүген дә читтә калмый: ул актив рәвештә гуманитар эшчәнлек белән шөгыльләнә һәм үзенең тугызынчы планлы хәрби сәфәренә әзерләнә.

Мәктәп укучылары белән очрашу чын-чынлап эчкерсез һәм тирән булды. Анатолий Дмитриевич балалар белән хезмәт турындагы хатирәләре белән уртаклашты, үзенең сугышчан юлы һәм авырлыклары турында сөйләде.

Очрашуның кульминациясе акциянең иҗади өлеше булды. Акция шартлары буенча Анатолий Дмитриевич иң ошаган эшне сайлады. Иң яхшы портретның авторы-Диләрә Вәлиева (укытучысы Н. В.Васильева) булып чыкты.