КАЗАН РАЙОНАРА ТАБИГАТЬНЕ САКЛАУ ПРОКУРАТУРАСЫ ХӘБӘР ИТӘ

Казан районара табигатьне саклау прокуроры Р.А. Терехов Арча районы прокуроры Р. Р. Кәримов белән берлектә Татарстан Республикасының Арча муниципаль районында гражданнарны шәхсән кабул итте. Мөрәҗәгать итүчеләрдән килгән сораулар су законнарын үтәү, җир асты байлыклары турындагы законнарны һәм су белән тәэмин итүне оештыру мәсьәләләренә кагылды. Кергән мөрәҗәгатьләр буенча табигатьне саклау прокуроры тарафыннан тикшерүләр башланды. Моннан тыш, Казан районара табигатьне саклау прокуроры Арча шәһәрендә урнашкан биологик чистарту корылмаларын карап чыкты. Гарантия бирүче оешма һәм җирле үзидарә органы игътибарын агып төшүче суларны билгеләнгән нормативларны арттырып агызуга юл куя торган абонентлар белән дәгъвалар эшен оештыру кирәклегенә юнәлтелде.