ТЕРРОРЧЫЛЫКТАН БАШКА КИЛӘЧӘК
Алабугада яшьләр бергәлеге һәм Татарстанда Террорчылыкка каршы комиссия аппараты җитәкчесенең җәмәгать ярдәмчеләре тарафыннан оештырылган «Конструктив диалог» чарасы мәктәп укучыларын һәм студентларны җыйды.
А.С. Пушкин исемендәге Үзәк китапханәдә һәм Станислав Романовский исемендәге Үзәк балалар китапханәсендә Алабуга медицина көллияте укучылары өчен радикализм, экстремизм, террорчылык идеологияләрен һәм башка күренешләрне профилактикалау мәйданчыклары оештырылды.
Катнашучылар деструктив хәрәкәтләрнең барлыкка килү проблемаларын һәм сәбәпләрен карадылар, тормышчан ситуацияләрне кейслар рәвешендә анализладылар, аларны хәл итү ысулларын тәкъдим иттеләр һәм чакырылган экспертлардан киңәшләр һәм аңлатмалар алдылар.
Китапханәчеләр «Террорчылыктан башка киләчәк» мәгълүмати күргәзмәсен рәсмиләштерделәр. Чарада 60тан артык кеше катнашты.