АЛАБУГАДА КҮП ФАТИРЛЫ ЙОРТЛАРДА КОНДИЦИОНЕРЛАР УРНАШТЫРУ БУЕНЧА ХОКУК БОЗУЛАРНЫ БЕТЕРҮ БУЕНЧА ЭШЛӘР АЛЫП БАРЫЛА

Алабугада күп фатирлы торак фасадларында кондиционерлар урнаштыру буенча хокук бозуларны бетерү буенча эшләр алып барыла. Алабугада Төзекләндерү кагыйдәләренең 3.2.8 пунктын бозу буенча муниципаль контроль бүлеге тарафыннан 110 хәбәр бирелгән. Беркетмәләрнең күбесе Тынычлык проспекты 34 һәм Т.Гыйззәт ур., 16/73 йортларда яшәүче милекчеләргә карата төзелгән. Бу кешеләрнең кондиционерлары кагыйдәләр буенча эленмәгән. Бүгенге көнгә архитектура бүлеге тарафыннан кондиционер урнаштыруга 51 рөхсәт бирелгән, 11 кондиционер сүтелгән, рөхсәт нигезендә 33 кондиционер урнаштырылган.

Исегезгә төшерәбез, быелдан техник һәм архитектура нормалары гамәлдә, алар буенча кондиционерларның тышкы блоклары диварны һәм аның бөтенлеген бозмаслык итеп урнаштырылырга тиеш.

Үзгәрешләр биналарның архитектур йөзен саклауга, халыкның иминлеген һәм уңайлылыгын саклауга, шулай ук милекчеләрнең һәм идарәче компанияләрнең җаваплылыгын арттыруга юнәлдерелгән.

Кондиционер урнаштырган яки планлаштырган фатир хуҗаларына хәзер законнарны төгәл үтәргә кирәк, югыйсә җиһазларны сүтү яный.