ҖӘМӘГАТЬ ТУКЛАНУЫ ХЕЗМӘТЛӘРЕН КҮРСӘТҮ БУЕНЧА ЯҢА КАГЫЙДӘЛӘР ТУРЫНДА
Җәмәгать туклануы хезмәтләрен күрсәтү РФ Хөкүмәтенең 2020 елның 21 сентябрендәге 1515 номерлы карары белән расланган җәмәгать туклануы хезмәтләрен күрсәтү кагыйдәләре белән җайга салына. Яңа кагыйдәләр 2021 елның 1 гыйнварыннан үз көченә керде һәм 2027 елның 1 гыйнварына кадәр гамәлдә була. Башкаручы кулланучыга хезмәт күрсәтүләр өчен алдан түләүне, ашамлыкларны сайлап алганнан соң яисә ашаганнан соң түләүне тәкъдим итәргә яки кулланучыга хезмәт күрсәтүләр өчен түләүнең башка тәртибен тәкъдим итәргә хокуклы (Кагыйдәләрнең 17 п.). Кулланучы күрсәтелә торган хезмәтләр өчен башкаручы белән килештерелгән тәртиптә һәм вакытларда түләргә тиеш. Башкаручы күрсәтелә торган хезмәтләр өчен исәп-хисап ясаганда кулланучыга касса чегын яисә кәгазьдә катгый хисап бланкын бирә һәм (яисә) касса чегын яисә катгый хисап бланкын контроль-касса техникасын куллану турындагы Россия Федерациясе законнары таләпләрен исәпкә алып, кулланучыга электрон рәвештә җибәрә.