2025 ЕЛДА «АВГУСТ-АЛАБУГА» ЗАВОДЫ 20,4 МЛН СУМНАН АРТЫК ХӘЙРИЯ ЯРДӘМЕ КҮРСӘТКӘН
Илебезнең пестицидлар базары лидеры «Август» фирмасы АҖнең җитештерү мәйданчыгы булган «Август-Алабуга» предприятиесе актив социаль сәясәт алып бара һәм даими нигездә Алабуганың төрле учреждениеләренә һәм оешмаларына, шулай ук халыкның социаль яктан якланмаган категорияләренә хәйрия ярдәме күрсәтә. Предприятие җитәкчелеге хәйриячелекне бер тапкыр үткәрелә торган акцияләр буларак түгел, ә үз территориясендә социаль проблемаларны хәл итүгә, Алабуга муниципаль районының киләчәгенә инвестицияләр кертүгә системалы якын килү буларак карый.
Мәгарифне үстерүгә һәм үсеп килүче буынны һәрьяклап тәрбияләүгә зур әһәмият бирелә. «Йолдызлык» 40нчы балалар бакчасы территориясендә заводның финанс ярдәме белән спорт белән шөгыльләнү өчен шартлар тудырыла. 2024 елда футбол белән шөгыльләнү өчен яңа спорт мәйданчыгы урнаштырылды, 2025 елда балалар өчен инвентарь сатып алынды. Моннан тыш, икенче ел мәктәп укучылары өчен масштаблы социаль проектны гамәлгә ашыру дәвам итә, аның кысаларында Россия һәм Беларуссия төбәкләреннән югары сыйныф укучылары өчен башкалага экскурсияләр оештырыла.
2025 елда заводның социаль сәясәтенең мөһим юнәлеше булып районда спортка ярдәм итү тора. 2022 елдан бирле предприятие «Алабуга» командасы футболчыларын кирәкле спорт кирәк-яраклары белән тәэмин итүгә һәм күнегүләр өчен уңайлы шартлар тудыруга юнәлдерелгән акча бүлеп бирә. Быелгы сезон нәтиҗәләре буенча команда «алтын дубль» яулап, уникаль казанышка иреште – Чемпионатта да, Татарстан Республикасы Кубогында да җиңү яулады. Җиңү бөтен команданың – тренерлар штабының, уенчыларның, шулай ук завод, администрация һәм Алабуга районы халкының күпьеллык килешеп эшләвенең нәтиҗәсе булды.