КУЛЛАНУЧЫ ӘЛИФБАСЫ: ӘГӘР ТОВАР ТУРЫНДА РУС ТЕЛЕНДӘ МӘГЪЛҮМАТ БУЛМАСА

«Кулланучылар хокукларын яклау турында» 1992 елның 7 февралендәге 2300-1 номерлы Россия Федерациясе Законының 8 статьясы нигезендә кулланучы сатып алына торган товар турында кирәкле һәм дөрес мәгълүмат бирүне таләп итәргә хокуклы. Шулай ук товар (эш, хезмәт күрсәтү) турында мәгълүмат кулланучыга күрсәтмә һәм аңлаешлы рәвештә, рус телендә, ә өстәмә рәвештә, җитештерүче (башкаручы, сатучы) ихтыяры буенча, Россия Федерациясе субъектларының дәүләт телләрендә һәм Россия Федерациясе халыкларының туган телләрендә җиткерелә.

Товар (эш, хезмәт күрсәтү) турында тиешле булмаган мәгълүмат өчен сатучыга (башкаручыга) җаваплылык каралган: законның 12 маддәсе нигезендә сатып алучыга товар (эш, хезмәт күрсәтү) турында тулы һәм дөрес мәгълүмат бирмәгән сатучы (башкаручы) 1 пунктта каралган җаваплылыкны үз өстенә ала. Әгәр мәгълүмат җитмәү сатып алу сыйфатына йогынты ясаган булса, 18 статьяның 4 пункты нигезендә кулланучы, тулы булмаган мәгълүматка сылтанып, товар өчен акчаны кире кайтарырга, товарны алмаштырырга, сатып алынган товарның бәясен тиешенчә киметергә, түләүсез ремонт ясарга хокуклы.