АЛАБУГА ҮЗӘК РАЙОН ХАСТАХАНӘСЕНДӘ МАСКА РЕЖИМЫ КЕРТТЕЛӘР

Хөрмәтле Алабуга халкы! Грипп, ОРВИ һәм яңа коронавирус инфекциясе вирусларының активлашуы белән бәйле рәвештә, шулай ук санитария-эпидемиология законнары таләпләрен үтәү йөзеннән Алабуга үзәк район хастаханәсендә чикләү чаралары көчәйтелә.

Бу чаралар хастаханә эчендә инфекцияләр таралуны булдырмауга һәм пациентларның да, медицина персоналының да сәламәтлеген саклауга юнәлдерелгән.

Чикләүләр 15 декабрьдән үз көченә керде һәм махсус боерыкка кадәр гамәлдә булачак.

Нәрсә үзгәрәчәк һәм нәрсәгә игътибар итәргә кирәк:

1. Битлек режимы:

• Поликлиниканың һәм стационарның барлык бүлекчәләрендә барлык хезмәткәрләр, пациентлар һәм килүчеләр өчен катгый мәҗбүри битлек режимы кертелә. 

• Көндезге стационар пациентларына, шулай ук функциональ диагностика һәм ЛОР-бүлекләргә барганда шулай ук битлекләрне кулланырга кирәк.

2. Пациентлар агымын аеру:

• Поликлиникага һәм стационарга кергәндә «фильтр» оештырылачак. Тән температурасы югары булган яки ОРВИ билгеләре булган пациентлар башкалардан аерым кабул ителәчәк. 

3. Стационарларда йөрүне тыю:

• Авырулар янына туганнарга килү тулысынча тыела. 

* Искәрмә: каты авырулы пациентларны караучыларга махсус рөхсәт кәгазе буенча халат, алмаш аяк киеме һәм битлек киеп керергә рөхсәт ителә. Килү вакыты 30 минутка кадәр чикләнгән.

Без Алабуганың барлык халкын вакытлыча уңайсызлыкларга аңлап карауларын сорыйбыз. Бу чаралар сезнең иминлек һәм сәламәтлек өчен, шулай ук безнең медицина хезмәткәрләрен яклау өчен бик кирәк.