АЛАБУГАДА "ЗӘҢГӘР ТАСМА" ПРОГРАММАСЫ КЫСАЛАРЫНДА ИНСУЛЬТКА КАРШЫ КӨРӘШТӘ ЯРДӘМ ИТӘЛӘР

Алабуга үзәк район хастаханәсендә «Зәңгәр тасма» республика программасы кысаларында уку очрашуы узды. Бу инсульт белән очрашкан пациентларга ярдәм сыйфатын яхшыртуга һәм аларның гаиләләренә ярдәм итүгә юнәлдерелгән проект.

Тәҗрибәле белгечләр (республиканың әйдәп баручы табиблары) Алабуга хезмәттәшләре белән инсульттан соң диагностика, дәвалау һәм иртә тернәкләндерү өлкәсендәге заманча эшләнмәләре белән уртаклаштылар.

Инсульт – ул пациент өчен генә түгел, ә аның бөтен гаиләсе өчен сынау. Очрашуның икенче өлеше туганнарны укытуга багышланган иде. Белгечләр җентекләп тикшерделәр:

• яткан авыруны ничек дөрес карарга;

• гаиләләр нинди психологик һәм физик кыенлыклар белән очраша;

• якын кешене актив тормышка кайтару өчен өй шартларында тернәкләндерүне ничек үткәрергә.

Чарада авыл җирлекләрендә яшәүчеләр катнашты. Заманча технологияләр ярдәмендә укуга авыл халкы үзләренең ФАПларыннан һәм амбулаторияләреннән үк кушыла алды. Бу шәһәрдән еракта яшәүчеләргә кыйммәтле белем алырга мөмкинлек бирде.

Без «Зәңгәр тасма» программасын оештыручыларга һәм барлык катнашучыларга нәтиҗәле диалог өчен рәхмәт белдерәбез. Исегездә тотыгыз: дөрес, бергәләп һәм вакытында эш итсәгез, инсульт хөкем түгел ул!

Үзегезне һәм якыннарыгызны саклагыз!