АЛАБУГАДА МУСА ҖӘЛИЛНЕҢ ТУУЫНА 120 ЕЛ БУЛУГА БАГЫШЛАНГАН ЧАРАЛАР УЗДЫ

15 февральдә Советлар Союзы Герое, язучы, Ленин премиясе лауреаты Муса Җәлилнең тууына 120 ел тулды. Алабуга музей-тыюлыгы бөек татар язучысы истәлегенә чаралар оештырды:

Хәтер музеенда 6 класс укучылары Советлар Союзы Герое Муса Җәлилне искә алдылар. Балалар Муса Җәлилнең балачагы, мәктәп еллары һәм комсомол яшьлеге, фронттагы һәм фашист әсирлегендәге батырлыклары турында кызыклы мәгълүматлар алдылар. Шагыйрьнең концлагерь төрмәләрендә язган шигырьләре балаларга аеруча тәэсир итте, алар ихтыяр көче һәм Ватанга мәхәббәт символына әверелде.

«Эврика» балалар-яшүсмерләр спорт үзәгенең «Белем территорияләре» совет чоры классында Муса Җәлилгә багышланган «Сүз һәм каһарманлык» әдәби сәгате узды. Монда кунакларга күренекле шагыйрьнең тормышы, иҗаты һәм батырлыгы турында сөйләделәр.

Көмеш гасыр китапханәсендә «Өзелгән җыр» дип аталган әдәби кичә үткәрелде. «Әдәби кунак бүлмәсе» клубында катнашучыларга Муса Җәлилнең сугышка кадәрге чордагы иҗади язмышы турында сөйләделәр. Китапханә кунаклары Җәлилнең Бөек Ватан сугышы чоры тарихын белделәр. Кичәдә патриотик шигырьләр яңгырады.