ТР ТУРИЗМ БУЕНЧА ДӘҮЛӘТ КОМИТЕТЫ КЕЧЕ ҺӘМ УРТА ЭШМӘКӘРЛЕК ӨЧЕН СТРАТЕГИК СЕССИЯ ҮТКӘРӘЧӘК
Турыдан-туры сөйләшү: бизнес-хакимият. 19 февральдә ТР Туризм буенча Дәүләт комитеты Алабугада кече һәм урта эшмәкәрлек өчен туризмны үстерүнең актуаль мәсьәләләре буенча стратегик сессия уздыра.
Сессиядә Алабуга муниципаль районы башлыгы Рөстәм Нуриев катнашачак. Чара «Кунакчыл Алабуга» гастрофорумының йомгаклау көнендә узачак. Эшлекле сөйләшү, актуаль темалар, тормышчан гамәлләр – чараның төп максатлары.
Диалог бизнес-бергәлек вәкилләренең хакимият белән тере аралашу рәвешендә барачак. «Сәүдәгәрләр шәһәрчеге» МАУ директоры Эльмира Туканова сүзләренчә, сессия ТР Туризм буенча Дәүләт комитетына эшмәкәрлектән, кече бизнестан, туризм белән бәйле барлык кешеләрдән актуаль сорау алу өчен үткәрелә. Эшмәкәрләргә үз проектларын республика дәрәҗәсендә тәкъдим итү, җирле һәм республика хакимият органнарыннан ярдәм алу мөмкинлеге бирелде.
Бу кызык, танып белү һәм бизнес өчен файдалы булачак – сез үзегез турында, үз планнарыгыз турында белдерә алачаксыз. 19 февральдә 14:00 сәгатьтә «Йолдызлык» мәдәни үсеш үзәгендә очрашуга кадәр!