"ПУШКИН КАРТАСЫ" ПРОЕКТЫ КЫСАЛАРЫНДА МӘКТӘП УКУЧЫЛАРЫ ӨЧЕН ЭКСКУРСИЯ
"Пушкин картасы" федераль проекты кысаларында Алабуга дәүләт музей-тыюлыгы Иске Күклек, Яковлево, Костенеево һәм Олы Шүрнәк мәктәпләре укучылары өчен мавыктыргыч экскурсия оештырды. Район мәгариф учреждениеләреннән 60тан артык укучы Алабугага мәдәни сәфәргә чыкты.
Программаның беренче пункты "Эврика" балалар музей-мәгариф үзәге булды, анда балалар фән һәм сәнгать дөньясына чума алдылар. Интерактив экспозицияләр, мастер-класслар һәм мавыктыргыч уеннар үзәккә килүне онытылмаслык итте. Укучылар, белемнәрен киңәйтеп һәм иҗади сәләтләрен үстереп, төрле активлыкларда катнаштылар.
Көн "Ух ты, Масленица килде!" дигән театральләштерелгән тамаша белән тәмамланды. Матур костюмнар, дәртле җырлар һәм биюләр балаларга чын бәйрәм рухы бүләк итте. Тамаша барышында балалар Май чабу бщйрщме традицияләре турында белделәр, шулай ук күңелле конкурсларда һәм уеннарда катнаша алдылар.
Чараны оештыручылар мондый экскурсияләр яшүсмерләргә мәдәниятне яхшырак белергә генә түгел, ә сәнгать һәм иҗат белән кызыксынуны үстерергә дә ярдәм итәр дип өметләнделәр. Музейның планнарында мәгариф учреждениеләре белән хезмәттәшлекне дәвам итү, аларга яңа мәдәни программалар һәм чаралар тәкъдим итү.