АЛАБУГАЛЫЛАРНЫ «ӘТИ, ӘНИ, МИН-ГТО ГАИЛӘСЕ» ОНЛАЙН – АКЦИЯСЕНДӘ КАТНАШЫРГА ЧАКЫРАБЫЗ

Татарстанда «Әти, әни һәм мин – ГТО гаиләсе» республика онлайн- акциясе старт ала. Ул  2026 елның 20 февраленнән 20 мартына кадәр узачак.

Оештыручы булып Татарстан Республикасының «ГТО» төбәк иҗтимагый оешмасы тора. Акция Ватанны саклаучыларның батырлыгы һәм тыл хезмәтчәннәренең фидакарь хезмәте турындагы истәлекне саклауга юнәлдерелгән видеороликлар конкурсы рәвешендә уздырыла.

Катнашучыларга үзләренең туганнары – хәрби вакыйгаларда катнашучылар һәм тыл хезмәткәрләре турында сөйләргә тәкъдим ителә. Чара «Россия спорты» дәүләт программасы кысаларында гамәлгә ашырыла, ул гаиләләрне патриотик тәрбияләүгә һәм физик культура белән даими шөгыльләнүгә җәлеп итүгә ярдәм итә.

Конкурс ике этапта узачак. Муниципаль этап 20 февральдән 15 мартка кадәр дәвам итә. Бу чорда районнар 15-20 мартта узачак республика этабында катнашу өчен иң яхшы видеороликларны билгелиләр. Җиңүчеләрне 20 мартта 14:00 сәгатьтә игълан итәчәкләр.

Видеоның озынлыгы бер минуттан артык булмаска тиеш. Роликта икедән артык кеше катнашырга рөхсәт ителми, ГТО символикасы белән элементлар булу мәҗбүри.

Эчтәлектә Ватанны саклаучылар һәм гаиләдәге тыл хезмәтчәннәре темасын ачарга кирәк. Өстәмә мәгълүматны 3-06-72 телефоны аша алырга мөмкин. Видеороликларны электрон почта аша udmsit2010@mail.ru адресына җибәрергә кирәк.