«ДӨНЬЯГА МӘҖЛЕС» ГАСТРОНОМИЯ ФЕСТИВАЛЕ АЛАБУГАЛЫЛАРНЫ ЛЕНИН МӘЙДАНЫНДА ҖЫЙДЫ

Ленин мәйданында Идел буе халыкларының милли ризыкларын әзерләү буенча мастер-класс узды. «Дөньяга мәҗлес» гастрономия фестивале алабугалыларны Ленин мәйданында кабат җыйды. Чираттагы шимбә очрашуы тәмле пылау әзерләүгә багышланган иде.

Төп герой – шеф-повар Алижан Назаркулов. Ул кунаклар белән бу ризыкны әзерләү серләре белән бүлеште. Фестивальнең махсус кунагы Татарстан халыклары ассамблеясенең Алабуга районындагы вәкиллеге директоры Зөләйха Эмирбекова булды.

Исегезгә төшерәбез, «Дөньяга мәҗлес» гастрономия фестивале дәвам итә. Идел буе халыкларының милли ризыкларын әзерләү буенча мастер-класслар һәр шимбә көнне 12:00 сәгатьтә Ленин мәйданында уза.