ХИС-КИЧЕРЕШЛӘР ДӨНЬЯСЫНА СӘЯХӘТ: БАЛАЛАР БАКЧАСЫНДА ТӘРБИЯЛӘНҮЧЕЛӘР ПСИХОЛОГ ҺӨНӘРЕ БЕЛӘН ТАНЫШТЫЛАР
«Садко» 32нче балалар бакчасында «Балачактан ук киләчәкне кайгыртып» һөнәри юнәлеш проекты кысаларында урта төркемдә тәрбияләнүчеләр өчен гадәти булмаган дәрес узды. Балалар кеше хисләре дөньясына мавыктыргыч сәяхәт ясадылар һәм психолог һөнәре белән таныштылар. Чара уен рәвешендә төзелде, нәкъ менә шулай мәктәпкәчә яшьтәге балалар яңа белемнәрне яхшырак үзләштерә.
Балалар интерактив уеннарда катнаштылар. Бу уеннар төрле хисләрне (шатлык, сагыш, гаҗәпләнү, ачу һ. б.) танып белергә, хис-кичерешләрнең йөздә һәм үз-үзен тотышында ничек чагылуын аңларга, яшьтәшләреңнең ярдәмен һәм кабул итүен тоярга өйрәтә.
«Күңелгә ятышлы сөйләшүләр» барышында балалар үзләренең кичерешләре белән уртаклаштылар, бер-берсен тыңларга һәм эмпатия күрсәтергә өйрәнделәр. Дәресне үткәргәндә психолог ачык күрсәтмә материаллар (эмоциональ халәтләр сурәтләнгән карточкалар, йомшак уенчыклар һәм тематик плакатлар) кулланды. Иң истә калырлык мизгелләрнең берсе «эмоцияне бел» уены булды: балалар чиратлашып төрле хисләрне танып белергә һәм күрсәтергә өйрәнделәр.