МӘГАРИФ ИДАРӘСЕ ЯШЬ ПЕДАГОГЛАРНЫ АЛАБУГА РАЙОНЫНА ЧАКЫРА

Бүген мәгариф идарәсе вәкилләре, «Киләчәк» 39нчы балалар бакчасы һәм «Адымнар-Алабуга» мәгариф комплексы җитәкчеләре Минзәлә шәһәре педагогика көллиятенең дүртенче курс студентлары белән очраштылар. Булачак педагогларны районыбыз мәгариф учреждениеләренә эшкә урнашырга чакырдылар. «Башлангыч белем», «Мәктәпкәчә тәрбия» һәм «Физик культура» юнәлешләрен сайлап алган студентларга грантларда һәм яшь педагогларга ярдәм программаларында катнашу мөмкинлеге турында тулы мәгълүмат бирелде.

Көллиятне тәмамлаучылар өчен төрле кызыксындыру чаралары һәм ташламалы хезмәт шартлары каралган. Оештыручылар әйтүенчә, мондый очрашулар барышында яшь белгечләрнең һөнәри үсеше өчен уңайлы шартлар тудыруга, педагогик кадрларның квалификациясен күтәрүгә һәм аларны кызыксындыруга аерым игътибар бирелә. Чарада катнашучылар белем бирү учреждениеләре вәкилләренең югары дәрәҗәдә оештырылуын һәм яңа талантлы хезмәткәрләрне җәлеп итүдә ихлас кызыксынуларын билгеләп үттеләр.