ЙОГЫШЛЫ АВЫРУЛАРНЫ ПРОФИЛАКТИКАЛАУ АТНАЛЫГЫ
23-29 март көннәрендә Россиядә Бөтендөнья туберкулезга каршы көрәш көненә багышланган йогышлы авыруларны профилактикалау атналыгы уза.
Инфекция төрле юллар белән йога: һава - тамчылы, азык, кан һәм җенси юллар аша. Шуңа күрә яклау комплекслы булырга тиеш. Төп чаралар: вакцинация, шәхси гигиена, битлек киеп йөрү, сәламәт яшәү рәвеше алып бару һәм даими тикшерүләр узу.
Нәрсәне истә тоту мөһим:
- Вакцинация — туберкулездан (БЦЖ), грипптан, В гепатитыннан, кызамыктан һәм башка инфекцияләрдән ышанычлы саклау чарасы.
- Шәхси гигиена – урамнан соң һәм ашар алдыннан кулларыгызны сабын белән юыгыз, антисептиклар кулланыгыз.
- Сулыш юлларын саклау – кешеләр күпләп җыела торган урыннарда битлек киегез, дистанцияне саклагыз, биналарны ешрак җилләтегез.
- Туклану куркынычсызлыгы — яшелчәләрне һәм җиләк-җимешләрне яхшылап юыгыз, термик эшкәртү ясагыз.
- Авыруны иртәрәк ачыклау — даими рәвештә флюорография һәм профилактик тикшерүләр узыгыз, бигрәк тә куркыныч төркемнәргә керсәгез.
Исегездә тотыгыз: күп кенә инфекцияләр озак вакыт симптомнарсыз уза, әмма вакытында диагностика узу сәламәтлекне сакларга ярдәм итә. Мәгълүмат «Озак һәм актив тормыш» милли проекты кысаларында әзерләнгән.