АЛАБУГА ДӘҮЛӘТ АВТОИНСПЕКЦИЯСЕ: ЮЛЛАРДА КУРКЫНЫЧСЫЗЛЫК КАГЫЙДӘЛӘРЕ ТУРЫНДА
28 марттан язгы каникуллар башлана. Шуңа бәйле рәвештә Алабуга Дәүләт автоинспекциясе юл хәрәкәтендә катнашучыларның барысына да куркынычсызлык чараларын үтәү зарурлыгына аерым игътибар бирә.
Татарстан территориясендә 23 марттан 5 апрельгә кадәр «Язгы каникуллар» профилактик операциясе уза, аның максаты – балалар катнашында юл‑транспорт һәлакатләрен киметү. Аварияләр статистикасы җитди борчылу тудыра. 2026 ел башыннан Татарстанда 18 юл-транспорт аварияләрендә 18 җәяүле бала зыян күргән. 2026 елның беренче ике аенда Алабуга районында 17 авария теркәлгән, аларда 2 кеше һәлак булган һәм 18 кеше яраланган.
2025 елда район территориясендә балалар катнашында 11 юл-транспорт һәлакәте теркәлгән, аларда 11 яшь юл хәрәкәтендә катнашучы зыян күргән, 1 бала һәлак булган.
"Бу саннар һәркемне уйланырга мәҗбүр итә. Без ата-аналарны һәм машина йөртүчеләрне юлларда балаларны яклау өчен көчләрен берләштерергә чакырабыз", - дип хәбәр итте Алабуга ЮХИДИ башлыгы Тимур Галимуллин. ЮХИДИ ата-аналарга мөрәҗәгать итә:
- балалар белән даими рәвештә юл хәрәкәте кагыйдәләрен кабатлагыз;
- баланың киемендә яктылыкны кире кайтара торган элементлар булуына инаныгыз;
- балаларыгызны юл кырыенда караучысыз калдырмагыз.
Бары тик уртак тырышлык белән генә без юлларыбызда балаларның иминлеген тәэмин итә алачакбыз. Үзегезне һәм якыннарыгызны саклагыз!